آپریشن سندور کے دوران بھارتی فوج نے دشمن کے خلاف یہ ہتھیار استعمال کیے

جموں : بھارتی فوج نے صوبہ جموں کے چھمب سیکٹر میں ’’آپریشن سندور‘‘ کے دوران پاکستان کے خلاف جوابی کارروائی کے دوران متعدد فارورڈ پوسٹس تباہ کر دیں۔ اس مشن میں بھارتی فوج نے جدید ترین ہتھیاروں سے لیس NSV مشین گنز (300 راؤنڈ/منٹ) سے لیکر IGLA شولڈر فائر میزائلز کے علاوہ ڈرون جیمنگ سسٹم کا کامیابی سے استعمال کیا۔  

ای ٹی وی بھارت کے نمائندے نے اکھنور سیکٹر میں ان ہتھیاروں کو آپریٹ کرنے والے مستعد فوجی اہلکاروں، جو ہمہ وقت ملک کی سالمیت کی حفاظت کے لیے تیار رہتے ہیں، کے ساتھ ان جدید ترین ہتھیاروں پر تفصیلی گفتگو کی۔

فوجی افسران نے تیسری آنکھ یعنی ہائی ٹیک سرویلنس کیمرے اور ورچوئل رئیلٹی کے علاوہ قدیم دور کی مگر قابل استعمال ٹیکنالوجی کے بارے میں بتایا کہ کس طرح سے بھارتی فوج نے پاکستانی حملوں کا منہ توڑ جواب دیکر ملک و وطن کی سالمیت کی آن برقرار رکھی۔