કેન્દ્ર સરકારે આજથી પેટ્રોલ અને ડીઝલ પરની એક્સાઈઝ ડ્યુટીમાં બે રૂપિયા પ્રતિ લીટરનો વધારો કર્યો છે. સેન્ટ્રલ એક્સાઇઝના અંડર સેક્રેટરી ધીરજ શર્માએ પણ આ અંગે નોટિસ જારી કરી છે. આ આદેશ આવતીકાલથી એટલે કે 8મી એપ્રિલથી અમલમાં આવશે. જોકે, સરકારનું કહેવું છે કે આ વધારાનો બોજ ગ્રાહકો પર નહીં પડે.
એક સત્તાવાર આદેશ અનુસાર, સરકારે સોમવારે પેટ્રોલ અને ડીઝલ પરની એક્સાઈઝ ડ્યુટીમાં 2 રૂપિયા પ્રતિ લીટરનો વધારો કર્યો છે. આદેશમાં કહેવામાં આવ્યું છે કે પેટ્રોલ પર એક્સાઇઝ ડ્યૂટી વધારીને 13 રૂપિયા પ્રતિ લિટર અને ડીઝલ પર 10 રૂપિયા પ્રતિ લિટર કરવામાં આવી છે. જો કે ઓર્ડરમાં જણાવવામાં આવ્યું નથી કે તેની છૂટક કિંમતો પર શું અસર પડશે, પરંતુ સરકાર કહે છે કે છૂટક કિંમતોમાં કોઈ ફેરફાર કરવામાં આવશે નહીં. આંતરરાષ્ટ્રીય સ્તરે તેલની કિંમતોમાં ઘટાડો થવાને કારણે પેટ્રોલ અને ડીઝલના ભાવમાં થયેલા ઘટાડા સાથે એક્સાઇઝ ડ્યુટીમાં વધારો કરવામાં આવશે.
