પ્રાંતિજની એક્સપેરિમેન્ટલ સાયન્સ MSC કોલેજ. જ્યાં MSC સેમેસ્ટર ચારની પરીક્ષામાં બેફામ ચોરી અને ગેરરીતિ થતી હોવાનો કોલેજ પ્રશાસન પર વિદ્યાર્થી નેતા યુવરાજસિંહે આરોપ લગાવ્યો છે. એટલું જ નહીં. વીડિયોમાં સ્પષ્ટ જોઈ શકાય છે કે, પરીક્ષા ખંડમાં મોબાઈલ, સાહિત્ય સહિતની તમામ વસ્તુઓ સાથે વિદ્યાર્થીઓ બેફામ ચોરી કરી રહ્યા છે.. યુવરાજસિંહ જાડેજાએ તો એવો પણ આરોપ લગાવ્યો કે પરીક્ષા શરૂ થાય તે પહેલા જ વોટ્સએપ ગ્રુપ બનાવી વિદ્યાર્થીઓ ઉત્તરોની ચર્ચા કરી રહ્યા છે.. 27 માર્ચથી 2 એપ્રિલ સુધીની પરીક્ષામાં ખુદ કોલેજના જ સંચાલકો વિદ્યાર્થીઓને ચોરી કરાવી રહ્યા છે. યુવરાજસિંહ જાડેજાએ લગાવેલા આરોપોને કોલેજના સંચાલક સંજય પટેલે પાયાવિહોણા ગણાવ્યા. પરીક્ષામાં કોઈપણ પ્રકારની ગેરરીતિ ન થઈ હોવાનો દાવો કરીને ખોટા પુરાવા ઉભા કર્યા હોવાનો સંજય પટેલે યુવરાજસિંહ જાડેજા પર આરોપ લગાવ્યો.
