વડોદરામાં ચાઈલ્ડ ડેવલપમેન્ટ સેન્ટરમાં બાળક ઉપર અત્યાચારના મુદ્દે બે મહિલા ડૉક્ટરને નોટિસ. જુવેનાઈલ જસ્ટિસ એક્ટ હેઠળ નોંધાયો ગુનો. નોટિસ પ્રમાણે બંને ડૉક્ટરોએ થવું પડશે હાજર. ડૉક્ટર મીરા અને ડૉક્ટર પૂજા સામે બાળક ઉપર અત્યાચાર કર્યાનો છે આરોપ
વડોદરામાં બાળક સાથે મહિલા ડૉક્ટરની ક્રુરતા. મહિલા ડૉક્ટરની કરતૂત થઈ CCTVમાં કેદ. પ્રતાપનગર રોડ પરની ન્યુ હોરીઝોન્સ ચાઈલ્ડ ડેવલપમેન્ટ સેન્ટરમાં સ્પીચ થેરાપી ઈમ્પ્રુવમેન્ટ માટે વેપારીએ ચાર વર્ષના બાળકને મુક્યો હતો જ્યાં બાળક રડતા સેન્ટર હેડ ડોક્ટર મીરા અને તેની આસિસ્ટન્ટ પૂજાએ માસૂમ બાળક સાથે અમાનવીય વ્યવહાર કર્યો. માસૂમને પ્રેમથી સમજાવવાને બદલે ખુણામાં બેસાડીને ધમકાવવામાં આવ્યો. સીસીટીવી ફુટેજના આધારે પોલીસે સેન્ટરના હેડ ડોક્ટર મીરા અને આસિસ્ટન્ટ પીજા વિરૂદ્ધ જુવેનાઈલ જસ્ટિસ એક્ટ મુજબ ગુનો નોંધીને વધુ તપાસ હાથ ધરી. સમગ્ર ઘટનામાં ગુજરાત બાળ આયોગ ચાઈલ્ડ ડેવલપમેન્ટ સેન્ટરના સંચાલકોને સમન્સ પાઠવશે. સાથે જ સંસ્થાના સંચાલકો અને કર્મચારીઓને રૂબરૂ બોલાવીને નિવેદન પણ નોંધશે.
