Farewell Parade For Retirement Of DGP Dwaraka Tirumala Rao : తన జీవితంలో ఇవి ఉద్విగ్న భరిత క్షణాలని పదవీ విరమణ వీడ్కోలు పరేడ్ సభలో డీజీపీ ద్వారక తిరుమలరావు వ్యాఖ్యానించారు. దశాబ్దాలుగా తనని అంటిపెట్టుకుని ఉన్న యూనిఫాం ఇకపై ఉండదు అనేది ఎమోషన్ గా అనిపించిందన్నారు. ఇన్నాళ్ల పాటు సర్వీసులో ఉన్న తనకు అనేక మంది సహకరించారని గుర్తుచేసుకున్నారు. సర్వీసులో చేరినప్పటి నుంచి ఇప్పటి వరకు అనేక సవాళ్లను చూశానని ద్వారకతిరుమలరావు తెలిపారు. సంప్రదాయ పోలీసింగ్ నుంచి సాంకేతిక పోలీసింగ్ వైపు మారామన్నారు. సైబర్ క్రైమ్, గంజాయి, మహిళలు, చిన్నారులపై నేరాల విషయంలో ప్రత్యేక చర్యలు చేపట్టామని వెల్లడించారు.
