Wine Shops Close in Nirmal District : రాష్ట్రవ్యాప్తంగా దసరా సంబురాల వేడుకలు ఘనంగా మొదలయ్యాయి. గతరాత్రి సద్దుల బతుకమ్మ పూలపండుగ సందడిగా సాగగా, శనివారం విజయ దశమి ఘనంగా జరగనుంది. రాష్ట్రంలో దసరా పండుగ అంటే కచ్చితంగా మందు, మాసం ఉండాల్సిందే. సుక్క లేనిదే వేడుకకు కిక్కు ఉండదు. కానీ ఆ జిల్లాలో పోలీస్, ఎక్సైజ్ శాఖా అధికారులు వారికి కిక్కు దించే సమాచారం అందించారు. దసరా పండుగను పురస్కరించుకుని నిర్మల్ జిల్లాలో 2 రోజులు మద్యం దుకాణాలు మూసివేయాలని జిల్లా పోలీస్, ప్రోహిబిషన్ ఎక్సైజ్ అధికారులు ఉత్తర్వులు జారీ చేశారు.
