రుణమాఫీ అంశాన్ని డైవర్ట్ చేసేందుకు బీఆర్ఎస్​, బీజేపీ విలీనమని రేవంత్ కొత్త డ్రామా : ఏలేటి మహేశ్వర్ రెడ్డి

BJLP Leader Alleti Maheshwar on Runamafi Issue : రైతులందరికీ రుణమాఫీ జరిగిందని నిరూపిస్తే రాజకీయ సన్యాసం తీసుకుంటానని, లేదంటే మీరు రాజకీయ సన్యాసం చేస్తారా? అని ముఖ్యమంత్రి రేవంత్​రెడ్డిని ఉద్దేశించి బీజేపీ నేత ఏలేటి మహేశ్వర్​ రెడ్డి సవాలు విసిరారు. రూ.17 వేల కోట్లతో రుణమాఫీ చేసిన ఫార్ములా ఏంటో చెప్పాలని నిలదీశారు. ఈ మేరకు అసెంబ్లీ మీడియా హాల్​లో మాట్లాడిన ఆయన, కాంగ్రెస్ పార్టీపై తీవ్రంగా ధ్వజమెత్తారు.