'द कश्मीर फाइल्स' या सिनेमाने बॉक्स ऑफिसवर नवे रेकॉर्ड सेट केले. अजूनही या सिनेमाची क्रेझ प्रेक्षकांमधून गेलेली नाही. तर काही जण हा सिनेमा पाहण्याकरता आवाहन करतायत. असचं आता गुजरातमध्ये 'द कश्मीर फाइल्स' साडी बनवण्यात आली आहे. सूरतमध्ये एका कापड व्यापाऱ्याने या फिल्म संदर्भात साड्या बनवल्या आहेत. त्यामुळे हे व्यापारी महोदय सध्या विशेष चर्चेत आले आहेत. सूरतमधील विनोद कुमार सुराणा यांनी 'द कश्मीर फाइल्स' सिनेमाची प्रिंट वापरुन बनवलेल्या साड्या दुकानात लावल्या आहेत. 6 मीटरमध्ये 300 रंगांचा वापर करून ही साडी तयार करण्यात आली आहे. डिजिटल प्रिंटचा वापरही ही साडी बनवण्यासाठी करण्यात आला. सध्या गुजरातमध्ये याच साड्यांची चर्चा आहे.
