माजी सरसंघचालक हेडगेवार हे ब्रिटिशांचे गुलाम होते, असे वक्तव्य ऊर्जामंत्री नितीन राऊत यांनी केले. येथील वसंत जिनिंगमध्ये माजी आमदार वामनराव कासावर यांच्या वाढदिवसानिमित्त सोमवारी पक्ष प्रवेश सोहळ्याचे आयोजन करण्यात आले होते. यावेळी ऊर्जामंत्र्यांनी हे वक्तव्य करीत भाजपावर शरसंधान साधले.ऊर्जामंत्र्यांनी स्वातंत्र्यपूर्व विधान करून जुन्या बाबीला उजाळा देण्याचा प्रयत्न केला आहे. परंतु त्या घटनेत तथ्य आहे का? हे ऊर्जामंत्र्यांनी तपासणे गरजेचे होते. हजारो नागरिकांच्या उपस्थितीत केलेले वक्तव्य संघ विचारसरणीवर प्रश्नचिन्ह उपस्थित करणारे असल्याने शहरात कमालीची संतप्त भावना उफाळून येताना दिसत आहे.
