தூத்துக்குடி கந்தன்காலணியை சேர்ந்த லூயிஸ் சோபியா என்ற மாணவி சென்னையில் இருந்து விமானம் மூலம் தூத்துக்குடிக்கு வந்தார். அந்த விமானத்தில் தமிழக பாஜக தலைவரும் பயணம் செய்தார். பின்னர் தூத்துக்குடி விமான நிலையத்தில் மத்திய அரசை விமர்சித்து மாணவி சோபியா கண்டன கோஷங்கள் எழுப்பினார். அப்போது தமிழிசைக்கும், சோபியாவுக்கும் இடையே கடும் வாக்குவாதம் ஏற்பட்டது. இதனையடுத்து தமிழிசை அளித்த புகாரின் பேரில் சோபியா கைது செய்யப்பட்டார். அவருக்கு 15 நாட்கள் நீதிமன்ற காவல் அளித்து தூத்துக்குடி குற்றவியல் நீதிமன்ற நீதிபதி உத்தரவிட்டார்.
