"Buxheti 2018 duhet të administrohet nga Prokuroria, FBI, DEA si një provë ligjore për paratë e drogës së Edi Ramës". Kështu u shpreh kryetari i PD, Lulzim Basha gjatë një dalje për mediat nga selia blu. Basha tha se paratë e drogës do blejnë ekonominë publike si dhe po investohen në biznese të ndershme.
Sipas tij, projekti 1 mld dollarë i qeverisë është mekanizmi për pastrimin e parave të krimit në tenderë publikë dhe koncesione. "Edi Rama do ta përdorë 2018 për të pastruar miliardat e drogës, të këtij konsorciumi oligarkik, ku në qendër është Edi Rama dhe qeveria. Ekonomia po kriminalizohet nga oligarkë dhe trafikantë që blejnë biznese të ndershme me paratë e drogës.
