Mega Power Star Ramcharan smashed Allu Arjun's Naa Peru Surya youtube record. Rangasthalam crossed one crore views in 25hours only, coming to Naa Peru Surya it takes 29hours to achieve it.
పవర్ స్టార్ పవన్ కల్యాణ్ సినిమాలకు దూరమవుతున్నానని ప్రకటించిన సంగతి తెలిసిందే. దీంతో ఆయన స్థానాన్ని ఎవరు భర్తీ చేయబోతున్నారన్న చర్చ తెరపైకి వచ్చింది. అందుకు సమాధానంగా.. బన్నీ-చెర్రీ పేర్లు మాత్రమే బలంగా వినిపించాయి. ఒకరకంగా భవిష్యత్తులోనూ ఆ స్థానం కోసం వీరిద్దరి మధ్య బలమైన పోటీ తప్పదనేలా ఈ చర్చ సాగుతోంది. ఇలాంటి తరుణంలో.. బన్నీ రికార్డును చెర్రీ బద్దలు కొట్టడం హాట్ టాపిక్‌గా మారింది..
వక్కంతం వంశీ దర్శకత్వంలో అల్లు అర్జున్ హీరోగా నటిస్తున్న చిత్రం 'నా పేరు సూర్య'. ఇటీవలే ఈ చిత్రానికి సంబంధించిన 'ఫస్ట్ ఇంపాక్ట్' విడుదల చేశారు. బన్నీని హైఓల్టేజీతో చూపించిన ఆ టీజర్.. విడుదలైన 29గంటల్లో కోటి వ్యూస్ దక్కించుకుంది. 'బాహుబలి' తర్వాత ఆ ఘనత సాధించిన సినిమాగా రెండో స్థానంలో నిలిచింది.
ఇక బుధవారం సాయంత్రం చెర్రీ రంగస్థలం టీజర్ కూడా యూట్యూబ్ లో విడుదలైంది. ఈ టీజర్ 25.5గంటల్లో కోటి వ్యూస్ దక్కించుకోవడం విశేషం. దీంతో బన్నీ రికార్డును చెర్రీ బద్దలు కొట్టినట్లయింది. బాహుబలి తర్వాత ఇప్పుడు రంగస్థలం సినిమా రెండో స్థానంలో నిలవగా.. అల్లు అర్జున్ 'నా పేరు సూర్య' మూడో స్థానంలో నిలిచింది.
రికార్డుల సంగతి పక్కనపెడితే.. రిపబ్లిక్ డే రోజున అటు చెర్రీ, ఇటు బన్నీ ఇద్దరూ అభిమానులను అలరించారు. సిట్టిబాబు(చెర్రీ) తన ఎడమ చేతిలో కోడి పుంజుని పట్టుకుని, కుడి చేతితో జాతీయ జెండాకు సెల్యూట్ చేస్తున్న ఒక పోస్టర్‌ను రంగస్థలం టీమ్ విడుదల చేసింది. ఈ పోస్టర్ మెగా అభిమానులను ఆకట్టుకుంటోంది.
