ဆူပူအုံကြွမှုတွေ ပြုလုပ်ဖို့အတွက် ရခိုင်ပြည်နယ်၊ အမ်းမြို့ကို လူတစ်ဦးလိုက်ပါရင် ကျပ်ငါးသိန်းပေးမယ်ဆိုပြီး မကွေးတိုင်းထဲကို လာရောက်စည်းရုံးမှုတွေ ရှိနေတယ်လို့ မကွေးတိုင်းဒေသကြီး ဝန်ကြီးချုပ်ဒေါက်တာအောင်မိုးညိုက ပြောကြားလိုက်ပါတယ်။
စက်တင်ဘာ ၂၆ ရက် ညနေက မကွေးတိုင်း အစိုးရ အဖွဲ့ရုံးမှာ ပြုလုပ်တဲ့ သတင်းစာရှင်းလင်းပွဲမှာ ဒေါက်တာအောင်မိုးညိုက ပြောကြားလိုက်တာပါ။ ဒီကိစ္စကို သတင်းရရှိပြီးဖြစ်လို့ တိုင်းအစိုးရအဖွဲ့ အနေနဲ့ ဥပဒေနည်းလမ်းတွေအရ ဖြေရှင်းမှာဖြစ်ပြီး သက်ဆိုင်ရာဌာနတွေကို ကိုင်တွယ်ဆောင်ရွက်ဖို့ ညွှန်ကြားထားတယ်လို့ ဝန်ကြီးချုပ်က ပြောကြားထားပါတယ်။
ရုပ်သံသတင်းထောက်-မိုးကျော်
