အမျိုးသား ဒီမိုကရေစီ အဖွဲ့ချုပ်ပါတီ နာယက ဦးတင်ဦးရဲ့ နှစ် ၉၀ ပြည့်မွေးနေ့ အခမ်းအနားကို ဒီကနေ့ မတ်လ(၁၂)ရက်နေ့ မနက်ပိုင်းက ဗဟန်းမြို့နယ်က သူ့ရဲ့နေအိမ်မှာပြုလုပ်ခဲ့ပါတယ်။ ဒီအခမ်းအနားကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တက်ရောက်ခဲ့ပြီး မွေးနေ့ ဆုတောင်းစကားပြောပေးခဲ့ပါတယ်။ အမျိုးသား ဒီမိုကရေစီ အဖွဲ့ချုပ် နာယက ဦးတင်ဦးဟာ မြန်မာနိုင်ငံရဲ့ တပ်မတော် ကာကွယ်ရေး ဦးစီးချုပ်ဟောင်း တစ်ယောက်ဖြစ်ပြီး သူရဘွဲ့ရရှိထားသူတစ်ဦးလည်းဖြစ်ပါတယ်။ ဦးတင်ဦးကို ၁၉၂၇ ခုနှစ် မတ်လ ၁၂ ရက်နေ့မှာ ဧရာဝတီတိုင်းဒေသကြီး ပုသိမ်မြို့နယ်မှာမွေးဖွားခဲ့တာပဲဖြစ်ပါတယ်။
ရုပ်သံသတင်းထောက် - လွင်သဲငယ်ဦး
