Сите деца во Македонија немаат загарантирано право на основно образование, а тоа е најголем проблем за децата Роми. Немањето лична документација, неодговорноста на родителите и социо - економската состојба се најчестите причини зошто не се запишуваат на училиште.
„Нема посебни програми за работа со деца роми во основните и средните училишта има во градинките како резултат на програми за инклузија и акциски планови за работа со родители за оваа категорија деца“, изјави Јана Зенговска, „Меѓаши“.
Со потешкотии во образовниот процес се соочуваат и децата со посебни потреби, поради некомплетирани стручни тимови во училиштата и немањето дефектолози кои ќе работат со нив. Од невладината „Отвори ги прозорците“ велат дека се уште не постои систем на евидентирање на нивниот број.
„Од она што е потешкотија со која најчесто се среќаваат самите институции со овие ученици е прилагодувањето на содржините кон потребите на учениците, што потекнува од некомплетираните стручни тимови и потешкотиите во процесот на идентификување следење на напредокот на самите ученици што повлекува потешкотија во изработка на индивидуални образовни планови“, рече Радмила Стојковска – Алексова од „Отвори ги прозорците“.
Во делот на здравствената заштита на децата се препорачува поголема соработката меѓу институциите и здруженијата за поголем опфат на децата што не се вакцинирани и воведување сеопфатно сексуално образование во основните и средните училишта. Невладините апелираат да се отворат центри за децата кои употребуваат дрога за нивна рехабилитација и ресоцијализација.
http://telma.mk/vesti/romite-teshko-se-vkluchuvaat-vo-obrazovniot-proces
