КОД ТВ КАНАЛ 5, 27.05.2011 Кој се е вмешан во мрежата на малолетна проституција ?Дете без детство, девојче кое прерано станало жена, човек кој секогаш ќе ги носи траумите дека била дел од еден свет на луѓе чиј ум очигледно е толку изопачен штом можат да имаат односи со деца. „Ги тераат децата да мислат дека се во бајка, Пепелашка или Снежана. Прво им нудат пијалак, подарок, кредит за мобилен телефон, а потоа знаат каде ти е слабата точка за да те преземат", вели за КОД жртва на малолетна проституција. Ова сведоштво мојата соговорничка го кажала и јавно пред полицијата и судот. Се охрабрила да открие како станала дел од мрежата на проституција. И не само таа, со неа биле многу врснички од источна Македонија.„Оние мирните што ќе ги речеш тие можат да го сторат најлошото нешто на било кој", вели малолетната жртва. Тоа беше еден од првите случаи во кој се проговори дека педофилијата е не само болест туку е претворена и во бизнис. Сите деца не го издржаа судењето, една од нив се самоуби. До денеска е нејасно дали 14 - годишната тинејџерка сама посегнала по големата доза на лекови или тоа го сториле нејзините макроа. Страв и очај, несигурност, бегање од реалноста - многу чувства им се измешани на децата кои се заплеткале во овој црн бизнис. Од единаесет кои добија кривични пријави само петмина се в затвор. Еден од осудените тврди дека парите биле пресудни за тоа кому ќе му се пресуди, а кој ќе си обезбеди слобода. „На слобода се оние кои имаа најмногу пари, кои можеа да платат", тврди затвореник за малолетна проституција. КОД дојде до дел од долгата листа на клиенти кои со години зад превезот на мирен и скромен живот во себе кријат карактер на чудовиште - педофил. Листингот на телефоните на девојчињата и нивните поседувачи и посредници открил кој се имал секс со малолетнички. Кои се корисниците на сексуалните услуги на малолетната проституција, зошто од 175 препознаени само 5 мина се в затвор? Дали нивните жртви се ресоцијализираат или го продолжуваат стариот начин на живот? 27.05.2012, КОД ТВ КАНАЛ 5 со Снежана Лупевска Изјава Драги Змијанац основач и директор на Првата детска амбасада во светот МЕЃАШИ
